दुबई, जनवरी ५, २०२५ –
मधेशी एकता समाज, यूएईले नव वर्ष २०२५ को अवसरमा दुबईको जाबील पार्कमा भव्य कार्यक्रम आयोजना गरी सामुदायिक एकता, परम्परा, र प्रगतिलाई थप मजबुत बनाएको छ। कार्यक्रममा सांस्कृतिक प्रस्तुति, सम्मान समारोह, परम्परागत भोजन, र नयाँ नेतृत्वको घोषणा गरियो।
समाजले रोशन मार्क्सिस्ट लाई नयाँ अध्यक्ष चयन गर्दै आगामी कार्यकालका लागि नेतृत्वको जिम्मेवारी सुम्पेको छ। रोशनले मधेशी समुदायको एकता, हकअधिकार, र पहिचानलाई थप सुदृढ बनाउने प्रतिबद्धता व्यक्त गर्दै, समाजलाई अझ सशक्त र प्रभावकारी बनाउने लक्ष्य प्रस्तुत गरे।
कार्यक्रममा विशिष्ट अतिथिहरू भुवन प्रसाद वाग्ले (NRNA महासचिव), बेद प्रसाद अर्याल (नेपाली समाज अध्यक्ष), अफजल हुसैन (नेपाल मुस्लिम संघ महासचिव) लगायत प्रतिष्ठित व्यवसायीहरूको उपस्थिति रहेको थियो। सम्मानित व्यक्तिहरूमा डॉ. रविन्द्र यादव, कबिन्द्र यादव, र गणेश पुर्बे रहेका थिए।
नयाँ कार्यसमितिमा अध्यक्ष रोशन मार्क्सिस्ट, महासचिव सुरेश यादव, सह-अध्यक्ष शैलेन्द्र राय र राम साह, व्यवसाय परिषद् संयोजक कबिन्द्र यादव, र युवा संयोजक आदित्य अटल छन्।
कार्यक्रमले मधेशी समुदायको एकता, सांस्कृतिक संरक्षण, र सामूहिक प्रगतिका लागि नयाँ ऊर्जा थप्दै, आगामी दिनमा समाजलाई अझ संगठित बनाउने मार्ग तय गरेको छ।
