सुनसरी – नेपाल डेवलपमेन्ट सोसाइटी द्वारा नव निर्मित श्री भगवती आधारभूत विद्यालय, हरिनगर गाउँपालिका वडा नं. ६ घुस्कीमा आज गाउँपालिका का सम्पूर्ण अगुवाहरु, वडा अध्यक्ष, साथै सशस्त्र प्रहरी बलका प्रमुखहरूको अगुवाइमा उद्घाटन र हस्तान्तरण कार्यक्रम सम्पन्न भएको छ।
कार्यक्रममा विशिष्ट अतिथि नजरुल हुसैनका साथै हरिनगर गाउँपालिकाका शिक्षा अधिकृत, प्रहरी चौकीका प्रमुख, सशस्त्र प्रहरी बलका प्रमुख र अन्य संस्थाका अगुवाहरूको बाक्लो उपस्थिति रहेको थियो।
नेपाल डेवलपमेन्ट सोसाइटी एक गैर सरकारी संस्था हो जसले कुवेती संस्था रहमा इन्टरनेशनल सोसाइटी कुवैतसँग मिलेर नेपालमा परोपकारी र मानवीय कामहरू गर्दै आइरहेको छ। यस संस्थाले ४ कोठे भवनको लागि विद्यालयलाई अनुदान दिएको हो।
यस विद्यालयको निर्माण कार्य बिराटनगरको प्रतिष्ठित निर्माण कम्पनी तामीर कन्स्ट्रक्सन तथा कन्सल्टेन्टले गरेको छ। यो निर्माण कम्पनी सन् २०२० मा स्थापना भएको हो र छोटो समयमा नै बिराटनगरका प्रतिष्ठित निर्माण कम्पनीहरूमा समावेश हुन सफल भएको छ। यस कम्पनीले विभिन्न प्रकारका निर्माण कार्यहरु गर्दै आइरहेको छ।
