काठमाडौं, २८ पौष – भ्वाइस अफ नेपाल सिजन-५ को उपाधि बिनोद राईले जितेका छन् । शुक्रबार राती ललितपुरको गोदावरीस्थित सनराइज हलमा आयोजित ग्राण्ड फिनालेमा इलामका राईले उपाधि उचालेका हुन् ।
बिनोद राई टिम मिलन नेवारबाट फाइनलमा प्रवेश गरेका थिए । जितसँगै उनले २० लाख नगदसहितका पुरस्कार प्राप्त गरेका छन् । टिम राजेशबाट मकर बहादुर योन्जन फस्ट रनरअप, टिम उदय सोताङबाट कुमार प्रयास राई सेकेण्ड रनरअप र टिम प्रमोद खरेलबाट नोगेन लिम्बु थर्ड रनरअप घोषित भए ।
ग्राण्ड फिनालेको प्रत्यक्ष प्रसारण हिमालय टिभी एचडी र भ्वाइस अफ नेपालको युट्युव च्यानलबाट गरिएको थियो ।
