दुबई : बर दुबई स्थित अस्टोरिया होटल एव्रेस्ट क्लबमा मधेशी एकता समाज, युएईको आयोजनामा यहि आउदो मार्च ३, २०२४ मा होलि विशेष कार्यक्रमको आयोजना हुने भएको छ ।
युएईमा रहेका मधेशी समुदायको साझा संस्था मधेशी एकता समाज, युएईद्वारा हरेक वर्ष जस्तै यस बर्ष पनि उक्त कार्यक्रम गर्न लागिएको संस्थाका अध्यक्ष धर्मेन्द्र यादवले बताएका छन । सो कार्यक्रममा मधेशका ख्याती प्राप्त कलाकारहरुको विशेष प्रस्तुति रहने आयोजक समितिले जनाएको छ ।
युएईमा रहेका स्थानीय मधेशी कलाकार हरुको आकर्षक प्रस्तुति रहनेछ । बर दुबई स्थित अस्टोरिया होटल एव्रेस्ट क्लबमा हुने सो कार्यक्रममा ख्याती प्राप्त कलाकार एवं गायक जागेश ठाकुर तथा नृत्यांगना निरुता शाहको प्रस्तुति रहने यादवले बताए ।
साथै स्थानीय कलाकार गायक भोला पासवान तथा नृत्य तर्फ इशा, शितल र पुनम को साथै नेपाली बोइज ग्रुपको प्रस्तुति पनि रहनेछ । स्थानीय समय अनुसार बिहान १० बजे बाट सुरु हुने कार्यक्रम निकै आकर्षक हुने आयोजकको भनाई छ ।
कार्यक्रमलाई सव्य भव्य एवं सफल बनाउन युएईमा रहेका सम्पूर्ण मधेशी नागरिकहरुलाई अध्यक्ष यादबले आव्हान समेत गरेका छन् ।
