काठमाडौं, २ माघ : आज माघ २ गतेदेखि एनआइएमबी एस क्यापिटलले नयाँ म्युचुअल फन्ड ‘एनआइबीएल स्टेबल फन्ड’ बिक्री खुला गरेको छ । क्यापिटलले प्रतिइकाई १० रुपैयाँ अंकित दरमा १ अर्ब रुपैयाँ बराबरको कुल १० करोड इकाई बिक्री खुला गरेको हो । यो बन्दमुखी योजना हो ।
कुल निष्कासन हुने इकाइमध्ये १० लाख इकाई योजना व्यवस्थापक एनआइएमबी एस क्यापिटललाई छुट्याइएको छ । यो निष्कासन गरिने कुल इकाईमध्येको एक प्रतिशत हो ।
यस्तै, १४ प्रतिशत अर्थात् १ करोड ४० लाख इकाई कोष प्रवर्धक नेपाल इन्भेष्टमेन्ट मेगा बैंकलाई सुरक्षित गरेको छ भने बाँकी ८ करोड ५० लाख इकाई सर्वसाधारणका लागि बिक्री खुला गरेको हो । उक्त फण्डकोआकार १ अर्ब र समयावधि १२ वर्षको रहेको छ । जुन हालसम्मकै सबैभन्दा लामो अवधि भएको बन्दमुखी योजना समेत रहेको छ । योजनाको अवधिभर यस योजनाले वार्षिक प्रतिफलको रुपमा १६.१८ प्रतिशत प्रतिफल आफ्ना इकाईधनीहरुलाई दिन सक्ने प्रक्षेपण समेत गरिएको छ ।
लगानीकर्ताले न्यूनतम १०० इकाईदेखि अधिकतम १ करोड इकाईसम्म आवेदन दिन पाउने छन् । आवेदन माघ ५ गतेसम्म दिन सक्नेछन् । सो अवधिसम्ममा बिक्री नभएको खण्डमा भने आगामीमा माघ १६ गतेसम्म खुला रहने क्यापिटलले जनाएको छ ।
फन्डको बिक्री प्रबन्धकमा एनआइएमबी एस क्यापिटल रहेको छ ।
